Избраниците на селекторот Кирил Лазаров први во ракометната историја ќе одиграат меч пред повеќе од 50.000 гледачи и тоа на „Меркур шпиле“ во Диселдорф, која специјално за оваа прилика е пренаменета од фудбалска во ракометна арена.
На македонските ракометари им се даваат мали шанси за некаква сензација на вечерашниот натпревар, разбирливо со оглед што играат против вториот фаворит за златото, по Данска која ја има улогата на прв кандидат за европскиот трофеј. Но, тоа истовремено е шанса за опуштена игра на драстично подмладен состав против фаворизираните Французи. Македонија и Франција досега одиграле четири , во кои триколорите секогаш победувале (30-20, 27-25, 35-24, 30-23).
Во нашата група се уште и селекциите на домаќинот Германија и на Швајцарија. По денешните два натпревари од првото коло, селекциите од нашата група се селат во Берлин каде што ќе се одиграат преостанатите две кола.
