Македонија останува меѓу земјите со најголем број смртни случаи од ковид 19 во Европа
Билансот во последните 24 часа од над 1.400 заразени и 21 жртви од корона вирус ја рангира нашата земја меѓу земјите со најголема смртност по глава на жител во Европа. Извештајот на Институтот за јавно здравје покажува дека во последната недела, во периодот од 12 до 18 ноември починале 92 пациенти на еден милион жители. На Клиниката за инфективни болести во Скопје животот и смртта се многу близу секој ден.
„Просториите на модуларното одделение на Клиниката за инфективни болести се полни. Има кревети и во ходникот каде пациентите чекаат ослободување на место на пациент кој оздравел или почнал. Во меѓувреме, од другата страна ги гледаме амбулантните возила кои постојано носат пациенти во многу сериозна здравствена состојба “.
Во обид да се обезбедат нови болнички места, Министерството за здравство вели дека утре Клиниката за офталмологија ќе биде подготвена како ковид – центар со 33 легла и снабдена со кислород. И министерот за здравство Венко Филипче и премиерот Зоран Заев изјавија дека секој преземен чекор е во интерес на зачувување на јавното здравје.
За тоа колку е сериозна ситуацијата во нашата земја покажува индексот на Европскиот центар за превенција и контрола на болести. Ние сме над просекот од многу европски земји и имаме инциденца од 440 дијагностицирани и 8,76 отсто смртни случаи на 100 илјади жители.
Европски центар за превенција и контрола на болести
Смртност во некои европски земји на 1 милион жители:
Белгија – 70 пациенти (24 – 30 октомври)
Чешка – 49 пациенти (15 – 22 октомври)
Италија – 29 пациенти (28 – 04 ноември)
Франција – 26 пациенти (23 – 29 октомври)
Британија – 25 пациенти (25 – 31 октомври)
Во моментов, во сите болници во земјата има уште 60 слободни кревети. Во последните 24 часа 41 пациент заболени од ковид 19 се хоспитализирани, а вкупно 1.258 се на болничко лекување во сите болници низ земјава.
Adna Qaili
