Вулкан на полуостровот Рејкјанес на Исланд еруптираше исфрлајќи големи количества лава во воздухот, што предизвика евакуација на локалните жители. Прогласена е вонредна состојба.
Се верува дека ова е најсилната ерупција од декември, а лавата стигнала до источните одбранбени ѕидови околу евакуираниот град Гриндавик, објавија локалните медиуми.
Луѓето беа евакуирани и од популарното туристичко место, спа центарот Blue Lagoon.
Вулканот последен пат еруптираше на почетокот на февруари, исфрли централно греење за 20.000 луѓе, додека лавата уништи патишта и цевководи.
Ова е седма ерупција во областа Рејкјанес од 2021 година.
Исланд е сеизмичко и вулканско жариште бидејќи се наоѓа помеѓу евроазиските и северноамериканските тектонски плочи, кои се движат во спротивни насоки.
Исландските власти почнаа да градат насипи за да ги пренасочат запалените текови на лава подалеку од домовите и критичната инфраструктура, пишува Ројтерс.
Во Исланд има повеќе од 30 активни вулкани.
