Меџити: Предлог-законот за правична застапеност готов до крајот на оваа или следната недела
Вицепремиерот Изет Меџити најавува дека предлог законот за правична застапеност ќе биде објавен најверојатно следната недела. Завршната средба меѓу работните групи се очекува во текот на неделата.
„Ги усогласивме нашите позиции. Верувам дека ако ова е последна средба, до крајот на неделата или следната недела ќе излеземе со законско решение или посебен закон за соодветна застапеност што ќе биде унапредување на правата на Албанците бидејќи до вчера тоа беше механизам. Сега ќе се издигне на ниво на законско решение“, рече Меџити.
Меџити во интервју за Алсат вели дека законското решение ќе биде согласно Уставот и не гледаат проблем да се добие мислење од Венецијанската комисија.
„Мислам дека правиме решение кое ќе го реши проблемот со застапеноста, нема да биде во спротивност со Уставот и не гледаме проблем во добивањето мислење од Венецијанската комисија. Затоа што можат само да видат дали законот е во согласност со Уставот. „Но тоа ќе се усогласи и ќе го совладаме како влада, а не како ВЛЕН“, додава Меџити.
Законот за правична застапеност е ветен како замена за механизмот за балансирање за да се обезбеди етничка застапеност при вработувањето во јавните институции. Власта зборува за тоа откако Уставниот суд го укина балансерот, кој го оцени како дискриминаторски. Во моментов правичната застапеност е уставна категорија, но не постои механизам кој гарантира нејзино спроведување.
Фатлуме Дервиши
