Медицински екипи од други градови на „стенд бај“ за Самитот на ОБСЕ

Здравствените установи во Скопје денеска и утре ќе работат вообичаено, иако утрешниот ден е прогласен за неработен за државната и јавната администрација поради одржувањето на Министерскиот совет на ОБСЕ.

Advertisements

Од Министерството за здравство велат дека нема да има никакви пречки во испораката на здравствената заштита на пациентите во овие два дена.

Поради одржувањето на Министерскиот совет на ОБСЕ, медицинските установи се должни да имаат обезбедено дежурни лекарски екипи и друг медицински персонал со потребни простории и опрема за укажување на медицинска помош, доколку има потреба.