Медицинските сестри во Тетово го откажаа својот протест, без епилог за нивниот статус
Медицинските сестри во Тетово го откажаа својот протест, без епилог за нивниот статус
По четири дена протести, медицинските сестри во Клиничката болница во Тетово ги ставија протестите во мирување бидејќи рекоа дека не нашле поддршка од никого. Денес поднесоа официјално барање до архивата на болницата за работни решенија и исплата на неисплатени плати.
„Низ целиот свет, протестот е демократско право на секој поединец да ги бара своите права, но ова очигледно не важи во нашата земја каде што живееме, работиме и дејствуваме. Нашиот протест со години беше тивок и полн со жртвувања, нашиот револт од самиот почеток не беше за директорот и неговото раководство, со години се соочувавме со промени во раководниот кадар на оваа институција, секој пат кога ги почитувавме нивните наредби, го покривавме секој колапс во секој оддел“, изјави една Медицинска сестра.
Директорот на Тетовската болница денес не излезе да се сретне со медицинските сестри кои протестираат веќе неколку дена. Неговата секретарка рече дека директорот е зафатен.
„Оставете го барањето во архива, утре ќе го проследиме до директорот. Директорот не е тука? Не, зафатен е. Проследете го до архивата, ќе го разгледаме“.
140 медицински сестри во Тетовската болница се без договори за вработување, некои од нив работат повеќе од 10 години.
Поранешниот министер за здравство, Арбен Таравари, пред неколку дена ја обвини ВЛЕН дека не дозволува спроведување на работните решенија, додека на првиот ден на чело на министерството за здравство, самиот Таравари им наредил на сите јавни болници, вклучително и на тетовската, да ја суспендираат постапката за вработување.
Линда Ебиби
