Алсат
18.05.2020 11:22
Габата Chantarellus cibarius или популарно позната како лисичарка, или лисичка, има портокалово-жолта боја и форма на инка, таа обично расте во група на габи од истото семејство во симбиоза со корените на листопадни и зимзелени дрвја, најчесто даб и ела.
Овие печурки се на врвот според својот нутритивен квалитет во светот. Познати се како чувар на здравјето и се природен извор на антибиотици и мноштво витамини. Покрај тоа што содржат 8 есенцијални аминокиселини, протеини, протеини, ензими, полисахариди, провитамин А, витамини во комплексот Б, Д2 и Ц, лисичарките имаат малку калории.
Постојат научни докази за позитивниот ефект на голем број габи врз здравјето на луѓето. Некои од нив содржат антибиотици, а некои имуностимуланти, состојки кои помагаат во борбата против туморите и вирусите, го зајакнуваат имунолошкиот систем, го намалуваат крвниот притисок, го регулираат нивото на шеќер во крвта, ги смируваат нервите, го забавуваат стареењето и слично, а кога станува збор за лисичарките, Кинезите со векови им припишуваат моќ за лекување на видот и дишните патишта.
Што се однесува до печурките, многу е важно да не ги собирате самостојно. Експертите ја знаат разликата многу лесно, додека неискусните собирачи често можат да ја смешаат со слична габа – заводничка, која често пати е отровна.
