Менаџментот на „Соравија“ смета дека постапката за продажба на објектот поради долг е неоснована
Менаџментот на Трговскиот Центар “Соравија” преку соопштение информира дека постапката покрената од страна на извршителот Андреја Буневски за продажба на објектот поради долг од 930 илјади евра е неоснована и спротивна на согласноста на актуелните легитимни сопственици. Во соопштението се нагласува дека се прават напори за спречување на спроведување на аукцијата, која е најавена за 24 април.
Дополнително, во Основното јавно обвинителство за организиран криминал и корупција, менаџментот поднел тужба во врска со околностите на извршувањето, кое бара да се продаде објектот по почетна цена од 22,4 милиони евра. Во моментов, компаниите кои го водат Трговскиот Центар “Соравија Инвест” и “Соравија Менаџмент” имаат блокирани банкарски сметки и долг кон Управата за јавни приходи во износ од околу 2 милиони евра.
“Соравија” во Скопје, која во последниот период беше во фокусот на политички дебати и не само, меѓу сопствениците беше присутен и Дрин Ахмети, внук на лидерот на ДУИ, Али Ахмети. За продажбата на “Соравија” Јавното обвинителство спроведе истрага, која веќе повеќе од една година ги анализира документите а побара и правна помош од САД.
