Во своето вечерашно гостување во емисијата „Економски Магазин“ на Алсат, министерот за финансии, Фатмир Бесими рече дека буџетот за 2021 година има петгодишна рамка во која меѓу другото, влегуваат и фискалната консолидација и јавните инвестиции.
„Буџетот за 2021 на првите страници има приоритети за буџетот, има и петгодишна рамка. Тоа се: фискална консолидација во текот на пет години, потоа стратегијата за економска обнова, но и забрзување на економскиот раст, како и планот за јавни инвестиции од 2021-2025 г. Сите овие треба да ја дадат приказната, и аргументите и траекторијата како ние ќе го реализираме ова забрзување на економскиот развој, ако во последните 10 години сме имале 2.5% просечен годишен раст, да стигнеме до 4-5% на просечно зголемување во периодот кој следи“, рече Бесими.