Министерство за здравство: Наскоро проширувањето на позитивната листа

Пациентите со срцеви заболувања, дијабетес или други болести на нервниот систем трошат околу 6.000 денари месечно за редовна терапија, бидејќи иновативните лекови за овие болести не се дел од позитивната листа на Фондот за здравство. Фармацевтите велат дека покрај овие хронични заболувања, многу други болести се лекуваат со терапии кои не се покриени од државата, а пациентите се принудени да ги земаат приватно. Бараат итно да се вметнат на позитивната листа, велејќи дека списокот на Фондот е со стари лекови кои ретко ги препишуваат лекарите.

Advertisements

„Пациент на кој му се дијагностицирани различни болести во геријатриска возраст троши голема сума на пари. Проширувањето на позитивната листа е неопходно во државата бидејќи цените се недостапни, да се дадат од 50 до 100 евра за лекови за дијабетес или кардиоваскуларни заболувања… потребна е интервенција од Министерството за здравство и Фондот за да се олеснат потребите на граѓаните“, изјави Аулон Рамадани, фармацевт.

Министерот за здравство Фатмир Меџити вети дека ќе ја прошири позитивната листа, иако не се знае кога ќе се случи такво нешто. Преку соопштение од Министерството за здравство велат дека при крај се подготовките за ревидирање на списокот.

„Во фаза е одобрувањето на новата регулатива за ставање лек на позитивна листа, со која се регулира транспарентната постапка и се предвидуваат критериумите кои треба да се исполнат за лекот да биде дел од позитивната листа. Следен чекор е фармацевтските компании да покажат интерес за доставување на барањата, според процедурата, а бидејќи се работи за поширока документација што самите компании во моментов ја подготвуваат, очекуваме во следниот период да пристигнат апликациите“, велат од Министерство за здравство.

Проширување на позитивната листа со години ветуваа многу министри за здравство, но таа не претрпе измени повеќе од 10 години.

Вјолца Ахмеди