Министерството и синдикатите со спротиставени ставови за примената на новиот наставен концепт
Министерството за образование и Синдикатот за образование даваат спротиставени оценки за примена на новиот наставен концепт, еден месец по почетокот на учебната година. Министерката Мила Царовска признава дека сме далеку од совршен образовен систем, но додава дека сите основни училишта успешно го спроведуваат новиот концепт за прво и четврто одделение.
За разлика од Царовска, Синдикатот за образование веќе добил забелешки и поплаки од наставниците за недостаток на средства за реализација на дигиталното учење. Првиот човек на СОНК, Јаким Неделков нагласи дека реформите се добредојдени во моментот кога училиштата ќе имаат еднакви услови за нивно спроведување.
Новата учебна година започна заедно со новиот наставен концепт за прво и четврто одделение. Учениците веќе немаат обични, туку дигитални книги за читање од нивниот компјутер, лаптоп или телефон. Поради недостаток на овие алатки, многу ученици беа принудени да фотокопираат дигитални книги што не се дозволени од Министерството за образование. Покрај учениците, бројни поплаки доаѓаат и од наставниците кои велат дека поради недостаток на услови новиот концепт на настава не се спроведува.
Мелихате Рустеми
