Министерството за правда му предлага на претседателот Пендаровски делумно помилување за бизнисменот Сеад Кочан

Adrian Kerimi

Министерот за правда Бојан Маричиќ му предложи на претседателот Стево Пендаровски да бидат помилувани шестте месеци од преостанатото време во затвор на Сеад Кочан, осуден за кривично дело „злоупотреба на постапката за јавен повик“. Во документот до кој дојде телевизија Алсат се наведува дека се бара делумно помилување.

„Да биде делумно ослободен од натамошно издржување затворска казна, односно шест месеци.

„Затворската казна почнал да ја издржува на 01.08.2019 година, а казната му завршува на 01.04.2024 година. Осудениот од изречената казна одлежал две години и пет месеци. Од 01.01.2022 година треба да одлежи уште две години и три месеци затвор“.

Иако официјално прашавме врз основа на што се заснова барањето на министерот Маричиќ за помилување на осудено лице, а неофицијално осомничен и за други кривични дела, засега не добивме конкретен одговор. Министерството за правда не ни информираше за барањето врз основа на судската одлука, добиена на 6 јули 2021 година. Алсат дознава дека за Кочан се бара да се гони кривично и за злоупотреба на службената положба, поточно за манипулирање со банкарска гаранција од 17 милиони евра кога СЈО бараше гаранција дека Кочан нема да побегне поради кривично гонење. Државниот правобранител побара негово кривично гонење бидејќи и замрзнатиот имот е земен како гаранција, но Граѓанскиот суд го одби барањето со образложение дека доцнењето и грешката на обвинителот на предметот му овозможиле на Кочан да преземе такво дејство и во оваа фаза доцна е да се покрене таква постапка. Не се знае дали барањето на министерот Маричиќ стигнало до Претседателот и кога тој ќе ја свика Комисијата за помилување, составена од 11 членови. Доколку биде одобрено барањето за делумно помилување од шест месеци, Кочан ќе остане во затвор уште 20 месеци, мерка која ги исполнува законските критериуми за условно ослободување според член 36 од Кривичниот законик. Сеад Кочан беше осуден откако формираше лажен конзорциум за да конкурира и да го добие тендер за ископ на јаловина во „РЕК Битола“ во висина од 17 милиони евра. Во текот на 2021 година, тој неколку пати користел слободни викенди.