Мисајловски: Од утре почнува кампањата за собирање потписи за поништување на Законот за попис
Потпретседателот на ВМРО-ДПМНЕ Владо Мисајловски, одговарајќи на новинарско прашање, рече дека од утре започнува кампањата за собирање на потписи со цел понишување на Законот за попис. Toj упати апел до сите граѓани да се придружат на ваквата иницијатива додавајќи дека штандови ќе има насекаде низ државата.
Ние започнуваме уште од утре насекаде низ Македонија да ги собираме овие потписи, затоа ги охрабруваме граѓаните ќе не има секаде низ плоштадите, ќе не има на улиците секој кој што сака да ни даде поддршка да дојде да се потпише, бидејќи сакаме што повеќе граѓани да бидат опфатени, а потоа се разбира ние заеднички да ги поднесеме за соборување на овој закон. Секако тука ќе бидеме сите пратеници да се потпишеме и потоа да ги доставиме, рече Мисајловски.
