Мистериозни спирали за кои се верува дека се замрзнато гориво од ракетата на SpaceX се забележани на небото над Европа, вклучително и Велика Британија, пишува The Sun.
„Вечерва на небото над Британија се забележани мистериозни спирали, кои се чини дека се замрзнато гориво од ракетата на SpaceX“, се вели во публикацијата.
Бројни граѓани од Србија, Босна и Херцеговина, Хрватска и Словенија синоќа на социјалните мрежи масовно споделија слики и видеа од необичен феномен на небото – спирално сино светло кое исчезна толку брзо како што се појави!
View this post on Instagram
Веќе се појавија првите претпоставки за потеклото на феноменот. Небесните спирали можеби се резултат на лансирањето на извидувачкиот сателит NROL-69 во орбитата. Сјајот е траги од ракетно гориво. Забележано е и дека мистериозната спирала постепено се движи од запад кон исток.
Корисниците на социјалната мрежа Х пишуваат и за мистериозни спирали, кои биле забележани на небото над другите европски земји, како и над Русија и Украина.
Фотографии од необичната појава споделуваат корисници и од Франција, Германија и Полска.
