Митрески: Гаши со законот за бранителите да постапи исто како во случајот со законот за здолжувањето со Унгарија
Потпретседателот на Собранието и пратеник од СДСМ Јован Митревски денеска на прес-конференција побара од претседателот на Парламентот Африм Гаши да ја задолжи Комисијата за деловнички и мандантно-имунитетни прашања да свика седница, каде ќе се толкува примената на членот 126 став 3, односно да постапи на ист начин со законот за бранителите, како и во случајот со законот за здолжувањето со Унгарија.
– Како потпретседател на Собранието предложен од најголемата опозициска партија врз основа на член 62 став четири од Деловникот преку архивата доставив допис, барање до претседателот на Собранието, господинот Африм Гаши да ја задолжи Комисијата за деловнички и мандантно-имунитетни прашања да свика седница, каде ќе се толкува примената на членот 126 став 3, бидејќи апсолутно не се согласувам со образложението на претседателот за овој член од Деловникот, го доставив наведеното барање. Ако врз основа на истиот член господинот Африм Гаши ја свика Комисијата за финансирање и буџет за задолжувањето со Унгарија, што реално е и негова деловничка обврска, истото може да го направи и за законот за посебните права на припадниците на безбедносните сили, вели Митревски.
