Мицкоски: Американскиот Стејт департмент уште еднаш го потврди она што го зборуваме како партија со години
Мицкоски: Американскиот Стејт департмент уште еднаш го потврди она што го зборуваме како партија со години
Премиерот Христијан Мицкоски изјави дека ставањето на Артан Груби на црната листа на САД е само потврда на она што тој и неговата партија го обвинуваа низ годините.
Според официјалното соопштение на САД, Груби е ставен на Црната листа откако примил поткуп за да ја поткопа судската постапка во врска со кривичната пресуда на Сашо Мијалков, директор на Управата за безбедност и контраразузнавање на Северна Македонија. Ова го направи заедно со судијата Енвер Беџети, за кого имаше многу реакции во јавноста поради држењето на предметот „Таргет-Тврдина“ во фиока цели 9 месеци, каде обвинет беше Мијалков. За оваа постапка, Судскиот совет го потврди незаконското постапување на Беџети, но симболично го казни со само 20 отсто од неговата плата за шест месеци.
Во септември 2023 година тогашниот претседател Стево Пендаровски изјави дека однапред било договорено да се амнестира поранешниот премиер Никола Груевски.
Тогаш ВМРО-ДПМНЕ обвини дека функционери на ДУИ и СДСМ преговараат за амнестијата на Груевски за да се подели ВМРО-ДПМНЕ и да се изгласаат уставните измени. Ова за прв пат се случи со гласањето на Договорот од Преспа, кога 8 пратеници на ВМРО-ДПМНЕ гласаа за промена на името, а потоа веднаш беа исклучени од партијата. Тогаш Александар Николоски директно го обвини братучедот на Никола Груевски, Мијалков, дека се пазарел со власта на СДСМ и ДУИ, за да биде амнестиран од случаите на поранешното Специјално обвинителство.
Во септември 2023 година Мицкоски и Груевски отворија јавна војна, токму на темата враќање на Груевски. Дебатата беше отворена откако Мицкоски во германскиот весник Франкфурт Алгемајне цајтунг обвини за тајни средби на Груевски со ДУИ, а потоа Мицкоски за Алсат потврди дека има докази за тајните средби.
Што го принуди Никола Груевски да оди на тајни средби и што го принуди да биде дел од оваа оска на чело со Али Ахмети и структури на СДСМ? Што е тоа што денес го фрустрира што денес мораме да ги видиме оние статуси кои пред се имаат многу граматички и правописни грешки и толку омраза, клевети и лична фрустрација. Можеби треба да си ја освежат меморијата и за пликото со УСБ што и Али Ахмети и Талат Џафери ги добија пролетта 2022 година, што имаше во тоа УСБ и какви документи имаше во пликот?/Алсат.мк
Суад Бајрами
