ВЕСТИМАКЕДОНИЈА
Мицкоски: Благодарам народе на Македонија, ова е твоја победа
Шансата за нова иднина народот ја зема во свои раце. Ова е триумф на хероите на Македонија, рече лидерот на опозициската ВМРО-ДПМНЕ, Христијан Мицкоски во своето прво појавување пред јавноста по денешниот изборен ден. Како што кажа тој ВМРО- ДПМНЕ во првиот круг има освоено околу 20 градоначалнички места.
„Благодарам народе на Македонија, ова е твоја победа. Ова е победа, но и одговорност. Едно да знаете нема да ве изневериме“, рече Мицкоски.
Лидерот на ВМРО-ДПМНЕ повика на обединување во вториот круг на сите граѓани коишто сакаат промени во државата.
„Уште само еден чекор нѐ дели од она за коешто сонувавме“, додаде Мицкоски.