Мицкоски: Да не се наседнува на провокации, одредени структури со манипулации ќе се обидат да креираат инциденти

Премиерот Христијан Мицкоски и денеска повтори дека во државата постојат структури коишто за престојнава есен планираат дестабилизација во државата. Како што рече тој, станува збор за структури во обид да заштитат нелегално стекнато богатство. Премиерот апелираше граѓаните да не потпаѓаат под провокации и манипулации.

Advertisements

„Имаме структури во државата, коишто, за да го заштитат богатството и сето она што го крадеа изминативе седум години и го пљачкаа народот, без разлика на етничката припадност, ќе злоупотребува и ќе манипулира со одредена група на луѓе за да предизвика етнички инциденти. Тоа е единствениот начин да магнетизираат публика за најавената дестабилизација или организирање на протести планирани за оваа есен“, рече Мицкоски.