Мицкоски: Јавна дебата дали колективните права да се засноваат на проценти

Треба да се отвори јавна дебата дали сѐ уште треба да зборуваме за проценти или тие проценти можеби го надминале своето време, вели лидерот на опозициската ВМРО-ДПМНЕ, Христијан Мицкоски во своето вечерашно гостување во емисијата „Патот кон“ на Алсат.

Advertisements

„Она за коешто ценам дека треба да се отвори јавна дебата е дали сѐ уште ќе зборуваме за проценти и дали сѐ уште ќе зборуваме за реализирање на колективни права врз основа на проценти. Дали некој не мисли дека тие проценти го надминале своето време и својата употреба. Дали можеби треба да зборуваме за поинакво општество. Општество на квалитет, на компетенции“, рече Мицкоски.