Мицкоски: Никој од ВМРО-ДПМНЕ не е организатор на настаните од 27 април во Собранието

Ниту Извршниот комитет, ниту било кој член на ВМРО-ДПМНЕ не е дел од организацијата на самороганизирањето на народот што се случуваше во тој период, истакна лидерот на ВМРО-ДПМНЕ Христијан Мицкоски на денешното сведочење во Кривичниот суд во Скопје на рочиштето за организаторите на настаните во Собранието од 27 април 2017 година.

Advertisements

Тој, како сведок на одбраната требаше да се појави и на минатото рочиште, на кое не дојде поради лични причини.

Посочи дека народот се самоорганизираше и тоа не само тој ден, туку и во претходните денови и месеци при што бројката варираше од неколку стотини во некои денови до неколку илјади во други денови.