Мицкоски: Оставката на Дамева не треба да биде исклучок, туку правило во иднина
Оставката на Весна Дамева од претседателската функција во Судскиот совет не треба да биде исклучок, туку правило во иднина. Секој оној кој нема да ја оправда довербата кај граѓаните треба да замине, смета премиерот Христијан Мицкоски.
-Мислам дека овој процес треба да биде динамичен, односно секој оној кој нема да ги исполни очекувањата треба да биде чесен и да замине без разлика каква е неговата улога во општеството. Ценам дека овој Судски совет и судството и обвинителството заедно, со оваа доверба што ја имаат кај граѓаните, не успеаа. И ова не треба да биде исклучок, ова треба да биде правило во иднина. Дека секој оној кој нема да ја оправда довербата кај граѓаните треба да замине без разлика која улога ја има. Очекувам малку поголем фокус да имаат во справувањето со криминалот и корупцијата, но тоа пред се важи за обвинителите кои сред акции, кога треба да потпишат налог за претрес или приведување добиваат главоболки, температура, анксиозност дијареа, рече Мицкоски.
