Мицкоски: Постојат членки на ЕУ кои не ги почитуваат европските вредности
Премиерот Христијан Мицкоски смета дека за жал постојат земји-членки на ЕУ кои не ги почитуваат европските вредности. Ова го рече како одговор на новинарско прашање во однос на изјавата на бугарската потпретседателка Илијана Јотова, која ги повика македонските власти „да ги читаат европските вредности со поголемо разбирање“.
Премиерот ја упати Јотова овој совет да го даде и кон тие земји членки коишто треба конечно да ги почитуваат и коишто се испречени пред можни санкции за почитување на човековите права. Потенцираше дека Северна Македонија ги почитувами постапува доколку постојат пресуди од Судот за човекови права во Стразбур кој е одговорн да носи одлуки за почитување и непочитување на човековите права.
„За жал, имаме земји членки во Европа коишто имаат десетици такви пресуди коишто не ги почитуваат. Претпоставувам тоа ќе важи и за земјите членки не само за кандидатите. Еве имаме такви 14 пресуди за македонската заедница во Бугарија. Еве, ги повикувам истите овие коишто ни даваат нам совет да ги советуваат и бугарските власти да може да дозволат македонската заедница барем да се организира во невладини организации. Ние не бараме да бидеме дел од Уставот барем од тоа што таму сум го слушнал, туку да се организираат во невладини организации“, рече Мицкоски.
