Мицкоски: Успеавме! Време е СДСМ и ДУИ да одат во опозиција

Успеавме! Македонија победи! Историска победа на народот…рече лидерот на ВМРО-ДПМНЕ, Христијан Мицкоски во почетокот на своето вечерашно обраќање од седиштето на партијата.

Поразен е и бојкотот на ДУИ! Време е ДУИ, заедно со СДСМ да одат во опозиција, додаде Мицкоски.

„Народот покажа дека нема да дозволи поединци да создаваат кризи и преку институции да се штитат себеси, а ДУИ покажаа дека се најмалку партија која се грижи за Македонија и станаа силно криминализирана структура. Се им се удри од глава и на крај се избојкотираа самите себеси, време е да одат заедно со СДСМ во опозиција. Народот ја одржа најважната лекција кон власта и си ја спаси државата“, додаде Мицкоски.

„Нема да ве разочараме, резултатите од нашата работа ќе се покажат во првите 100 дена од владата“, рече Мицкоски најавувајќи добри економски вести за државата.