Мицкоски: За да се уверат дека Уставот не е единствен проблем, во Брисел им предложив да поднесат Резолуција во ЕП за многувековноста на македонскиот идентитет и јазик

Премиерот Христијан Мицкоски за време на неговата дводневна посета во Брисел, на претставници од Европската унија, како аргумент повеќе дека промената на Уставот не е единствен проблем со кој се соочуваме како држава, им предложил да поднесат Резолуција во Европскиот парламент со која се нагласува многувековноста на македонскиот идентитет и јазик.

Advertisements

„Јас предложив во Брисел – ајде да видиме дали е проблем само промената на Уставот. Вие, пратениците во Европскиот парламент, поднесете Резолуција со која Европскиот парламент ќе изгласа дека постои многувековен македонски идентитет и дека мојот македонски јазик има многувековни корени, па да видите како ќе се однесуваат дел од вашите колеги“, рече Мицкоски.