Мицкоски за коридорите: Евентуалните грешки во проектот ќе ги плаќаме ние
Претседателот на ВМРО-ДПМНЕ, Христијан Мицкоски во своето вечерашно гостување во емисијата „360 Степени“ на Алсат изнесе уште една забелешка за проектот за изградба на коридорите. За него проблематично е и тоа што геолошките истражувања на теренот за патиштата започнале дури вчера.
„Вчера видовме дупчалки со кои се почнуваат геолошките истражни работи. Без истражни работи, без геологија вие немате проект. А, како ќе правите нешто за кое имате аванс од 200 милиони евра ако немате проект…баш би сакал да видам, кога ќе дојдат на ред вијадуктите и тунелите и кога истрагите покажат дека на таа секција не може да се изведе..но и тука се заштитиле од компанијата. Немам ништо против компанијата, таа си ги заштитила своите интереси…велат – и грешките во проектирањето, ќе си ги платите“, рече Мицкоски.
