Мицотакис: Неупотребата на уставното име ќе го спречи вклучувањето во европското семејство

На состанокот на Советот на Европската Унија, грчкиот премиер Киријакос Мицотакис ги информирал своите колеги дека претседателката и премиерот на Северна Македонија директно го прекршуваат Договорот од Преспа со тоа што не го користат уставното име во државата. Според Мицотакис, овој „непријатен настан“ е во целосна спротивност со духот на Договорот од Преспа и може да има последици во процесот на интеграција во ЕУ.

„Јасно ставив до знаење дека доколку Скопје суштински инсистира на оваа линија, тоа ќе го отежне, ако не и практично, ќе спречи каков било процес на непосредна конвергенција со европското семејство. Затоа мислам дека секој треба да ги разбере последиците од своите постапки и да разбере дека почитувањето на европското законодавство дефинитивно поминува низ континуирано почитување на меѓународните договори потпишани од двете страни“, рече Киријакос Мицотакис, премиер на Грција.

За ваквата постапка на Мицотакис нема реакција од власта во земјава. Министерот за надворешни работи Тимчо Муцунски вчера, по средбата со американската амбасадорка во Скопје, Ангела Агелер, напиша:

„На средбата беше потврдена стратешката определба на Владата за имплементација на реформските определби, во насока на забрзување на евроинтеграцискиот процес, при што ја истакнавме поддршката што САД ја даваат за унапредување на демократскиот развој и зајакнувањето на борбата против криминалот и корупцијата“, нагласи Тимчо Муцунски, министер за надворешни работи.

Грција и Бугарија се револтирани на новата влада во земјава, поради нејзиниот пристап кон Договорот од Преспа и барањето што се рефлектира и во преговарачката рамка за вклучување на Бугарите во Уставот./Алсат.мк