Младите, најпогодени од Ковид-19 во четвртиот бран на пандемијата
Во четвртиот бран на пандемијата, возрасната граница на луѓето што се заразуваат е помала бидејќи сега најтешките симптоми се манифестираат кај помладата возраст и оние кои не се вакцинирани, велат од Министерството за здравство. Сепак, инфектологот Фадил Цана вели дека младите претставуваат поголем ризик да ги инфицираат другите дури и кога се вакцинирани, бидејќи во такви случаи младите помалку се грижат, заборавајќи дека можат да бидат преносители на вирусот.
„Вакцинираните од помлада возраст може да дојдат во контакт со вирусот затоа што се собираат во кафулиња, ресторани и таму постои можноста. И покрај фактот дека луѓето се вакцинирани, но не ја поминале болеста, тие луѓе се подложни и повторно одреден процент може да бидат заразени од вирусот и во тој случај тие сè уште се преносители на заразата.“
Медицинскиот персонал се надева дека четвртиот бран ќе заврши поскоро бидејќи полнењето на болниците за краток временски период започна да им ја троши енергијата.
„Без оглед на задачата што ја извршуваат, лекарите, медицинските сестри и целиот друг помошен персонал се исцрпени. Нормално во Инфективната клиника има и помлади возрасни групи кои претходно се лекуваат во различни институции и кога нивната клиничка слика се влошува, потоа се пренесуваат на Клиниката за инфективни болести.“
Делта варијантата на е онаа што преовладува во овој период. Оние кои се заразени со вирусот, вели Цана, манифестираат симптоми како што се затнати синуси, температура, главоболка и треска. Според него, пациентите често не обраќаат внимание на овие симптоми, мислејќи дека се работи за сезонски грип. Во текот на последните 24 часа над 10 илјади граѓани ја примиле првата доза вакцина. Досега со две дози се вакцинирани околу 507.000 граѓани.
Evi Shkopi
