„Иако е мал град, Гостивар, некогаш имало 25 столари кои обработуваа дрво, а денес се останати само двајца. Сопственикот на овој дуќан зад нас објаснува дека намалувањето на бројот на столари се должи на незаинтересираноста на младите да продолжат со овој занает, како и недостатокот на профитабилност. “
„Пред дваесет години имаше поголем профит и едно семејство можеше да егзистира од овој занает. Но, сега тоа е проблем. Материјалите имаат многу висока цена. Кај не е како на Запад. На Запад, се цени работната рака, кај нас не. Порано имаше над 25 столари, сега сум само јас. Младите воопшто не се заинтересирани. Веќе 20 години, учениците и младите воопшто немаат интерес. Немам ни чирак, никој не доаѓа и жал ми е затоа што овој занает е вреден и здрав, но за жал нема“, рече Љуљзим Османи, столар.
Османи вели Субвенциите за самовработување издадени од Министерството за економија, кои се околу 5.000 евра, според него, се премалку за започнување бизнис.
„Државата почна со субвенции. Почна сега пред 2 месеца. Министерството за економија им даде на оние што отвораат нови фирми по пет илјади евра, но тоа воопшто не е задоволително. Не се доволно за алатките на занаетчијата, туку само за берберот и за фризерот. За занаетчиите треба да се доделат минимум 20.000 евра“, изјави Љуљзим Османи, столар.
Во полошкиот регион се евидентирани околу 700 занаетчии, но само 7 проценти од нив аплицираат за средства доделени од Министерството за економија за развој на занаетчиството.
„Не знаеме зошто има толку мал интерес за аплицирање за овие средства во Полошкиот регион, па затоа ќе се сретнеме со сите занаетчии и стопански комори во оваа област за да се запознаеме одблизу со нивните маки и да разговараме за тоа зошто не аплицираат за овие средства“, рече Бесар Дурмиши Министер за економија.
Занаетчиите бараат од Министерството за економија да се зголеми фондот од 5 или 6.000 евра, бидејќи како што велат со овие пари, може да се купи само материјалот, но не и машините потребни за работа. /Alsat.mk
