Млекото кај нас поскапо и од Европа
Додека граѓаните се жалат на високите цени, во маркетите секојдневно се менуваат етикетите со нови цени за основните намирници од потрошувачката кошничка. Со високите цени им конкурираме на европските земји иако месечните примања се помали. 1 литар млеко на домашните маркети се продава до 95 денари или 1,54 евра. Податоците покажуваат дека граѓаните на Берлин, чија нето плата достигнува и до 3200 евра, за млеко плаќаат 1,04 евра, односно помалку од нашите граѓани.
Приходи и расходи во европските градови
Германија плата (нето) млеко леб потрошувачка кошничка
Берлин 3,191€ 1.04€ 1.51€ 3,014€ (без кирија)
Хамбург 2,952€ 1.09€ 2.31€ 3,251€ (без кирија)
ШВАЈЦАРИЈА плата млеко леб потрошувачка кошничка
Базел 6000€ 1.73€ 3.30€ 6096€ (без кирија)
Берн 5823 1.63€ 2.82€ 5649€ (без кирија)
ДАНСКА плата млеко леб потрошувачка кошничка
Копенхаген 3511€ 1.66€ 2.72€ 3691€ (без кирија)
Во Базел, каде просечната нето плата е 6 илјади евра, млекото чини 1,73 евра или 0,19 центи повеќе отколку кај нас, каде просечната нето плата е околу 500 евра. Податоците покажуваат дека потрошувачката кошничка за 4 лица дури и во некои од европските градови што ги земавме за пример ја надминува просечната нето плата на еден човек, но се подразбира дека животот станува полесен кога во семејството има повеќе од еден вработен член. Во Копенхаген, Данска, просечната нето плата е 3.511 евра, додека месечните трошоци без кирија изнесуваат 3.691 евро. Просечната нето плата кај нас во текот на месец септември, според Агенцијата за статистика, е околу 500 евра, додека потрошувачката кошничка е 779.
Еви Шкопи
