Многу закони во Собранието блокирани со месеци, партиите со меѓусебни обвинувања
Опозицијата ја обвинува владата за недостиг на политичка волја во врска со нацрт-законите кои се заглавени во собраниските процедури со месеци за кои не може да се најде консензус. ВМРО ДПМНЕ оценува дека недостатокот на консензус зависи од отпорот на мнозинството да се продолжи со предлозите на опозицијата.
Алијанса за Албанците и Алтернатива ја прекинаа блокадата, но неизгласувањето на предлог-законот за државјанство може повторно да ја врати.
„Сите закони што беа блокирани од наша страна, амандманите не се повлечени. Условот беше да се донесе законот за државјанство и да се повлечат сите амандмани. Засега владата не покажува подготвеност. Скоро 1 месец не е свикан состанок на матичната комисија каде треба да се разгледаат амандманите на законот за државјанство. Доколку законот за државјанство не се деблокира за неколку дена, ќе го вратиме стариот начин на функционирање“, рече Скендер Реџепи, АА-Алтернатива.
Покрај предлог-законот за државјанство, блокиран остана и предлог-законот за Универзитетскиот клинички центар и предлог-законот за отплата на долговите на јавните претпријатија.
Адријан Керими
