На 31 мај и 11 јуни, Државниот испитен центар ќе го организира државниот испит за матурантите
На 31 мај и 11 јуни, Државниот испитен центар ќе го организира државниот испит за матурантите
На 31 мај и 11 јуни, Државниот испитен центар ќе го организира државниот испит за матурантите . Првиот испит е по мајчин јазик и литература, како задолжителен испит за сите ученици, па така по македонски јазик на овој испит ќе бидат вклучени 9.969 ученици, по албански јазик 4.339, по турски јазик 292 и 10 ученици по српски јазик. Алсат разговараше со дел од матурантите од средното училиште „Зеф Луш Марку“ во Скопје кои ги правеа последните подготовки за овие испити.
„Мислам дека подготовките се неопходни бидејќи без разлика колку сте биле одлични овие четири години во средно училиште, ви треба повторување. Постојат детали што треба да се запомнат, има датуми, има писатели, а нашите професори се трудат најдобро што можат да нè подготват, особено мојата класна Садике Тахири, која беше прекрасна овие четири години“, рече една матурантка.
„Дали сте биле запознаени и со прашањата што беа во претходните години?
Приближно да, заедно со професорите ги научивме, ги прегледавме од интернет, има некои верзии од претходните тестови што беа во претходните години. Размислувам да студирам прехранбена технологија во врска со биологија и природни науки на Универзитетот „Мајка Тереза“ во Скопјe“, рече еден матурант.
Претходно, матурантите од средно образование полагаа и два интерни испити по предметите што имаа можност да ги изберат. Матурантот во средно училиште Ендрит Хоџа избрал физика и социологија за своите интерни испити, и покрај фактот дека нема да ги продолжи студиите во овие области.
„Одлучив дека мојата иднина е маркетинг и менаџмент, овие тестови не се основа на мојата иднина, нешто друго надвор од овие тестови, но сакав да се тестирам себеси врз основа на она што го научив во текот на овие четири години. Имавме и претходни тестови, а во претходните години благодарение на професорките Садике и Бесфорта, успеавме да ги вежбаме сите тестови и да се подготвиме за следниот тест на 31 мај и во текот на месец јуни“, додаде друг матурант.
Планирано е државна матура да полагаат 15.004 илјади ученици, додека оваа година најголем интерес има за англиски јазик 13.457, математика 1.246, германски јазик 73, француски јазик 24 и естетика 62. На овие тестови, 8.816 ученици се од средни стручни училишта, 5.966 од гимназии и 222 од училишта за уметничко образование. Студентите кои нема да го положат испитот во јунскиот рок ќе можат да полагаат во август. 2.000 набљудувачи се ангажирани за спроведување на државниот матурски испит./Алсат.мк
Мелихате Рустеми
