На 9 јули постои можност интерпелацијата против првиот човек на Уставниот суд да биде повлечена од дневен ред

На пленарната седница на 9 јули, точка на дневен ред е и интерпелацијата против првиот човек на Уставниот суд, Дарко Костадиновски, иницирана од Европскиот фронт. Иако на координацијата што првиот човек на Собранието, Африм Гаши, ја имаше денес со координаторите на пратеничките групи, се отвори дебата за тоа дали може да се дискутира за таква иницијатива или не. Според толкувањата што ги дадоа различни претставници, интерпелацијата се однесува на носител на јавна функција, но во случајот со Костадиновски, условите законодавецот да го повика на одговорност не се исполнети. Претставникот на Европскиот фронт не беше присутен на координацијата. Гаши накратко им рече на новинарите дека ги почитувал сите процедури, додека останатото му припаѓа на пленумот, кој ќе одлучи за основниот принцип на мнозинство во Собранието.

Advertisements

Не е исклучено на седницата во среда да биде поднесено барање за повлекување на точката од дневен ред. Сепак, за тоа да се случи, потребно е просто мнозинство, кое што ВМРО-ДПМНЕ мора да го обезбеди заеднички со коалицијата ВЛЕН, партијата ЗНАМ или со СДСМ.

Интерпелацијата против Костадиновски беше поднесена на 4 јуни од пратениците на Европскиот фронт. Во нејзиното образложение се наведува дека постапките на претседателот на Уставниот суд укажуваат дека тој има ставови против албанскиот јазик и дека треба јавно да ги искаже пред пратениците и јавноста. Костадиновски во својот одговор наведе дека не коментира политички иницијативи и дека нема да учествува на седницата. Дополнително, Костадиновски не одговори писмено во рокот од 10 дена предвиден со Деловникот на Собранието./Алсат.мк