На едногодишнината од Владата, лидерите на ВЛЕН се пофалија со постигнатото

Една година работа, достоинство и промена. Под ова мото, лидерите на коалицијата ВЛЕН — Изет Меџити, Билал Касами, Зеќирија Ибрахими, Арбен Фетаи и Беким Ќоку — придружени од партиски функционери на централно и локално ниво, го одбележаа едногодишното владеење. Освен постигнувањата што беа во фокусот на говорите, лидерите остро ја критикуваа опозициската ДУИ, оценувајќи дека таа се претворила во фабрика за фабрикувани конструкции.

Advertisements

„Истите тие луѓе што напаѓаат и обвинуваат се тие што со години го држеа албанскиот јазик во заложништво. Тие што денес создаваат врева за медресето, за кампусот на Државниот универзитет во Тетово или за училиштето во Нерово, се истите тие што една деценија не направија ништо. Тие се тие што никогаш не донесоа закон за правична застапеност, туку создадоа механизам за уценување на Албанците за да го зачуваат сопствениот политички авторитет. Тие зборуваат за здравство, а не знаат што значи почитување на лекарот; зборуваат за безбедност, а во нивното време државата беше претворена во приватен имот. Зборуваат за правна држава, а на чело на партијата имаа луѓе што денес се во бегство“, рече Изет Меџити, ВЛЕН.
Лидерите на ВЛЕН истакнаа дека за време на нивното владеење е урната империјата на казината, се донесени низа економски мерки, меѓу кои се зголемени платите на вработените и пензиите, а набројаа и проектите финансирани од владата./Алсат.мк

Суад Бајрами