На полноќ истекува рокот за усвојување на спорниот закон за работни односи
На полноќ истекува рокот за усвојување на спорниот закон за работни односи
На полноќ истекува рокот за усвојување на спорниот закон за работни односи, за продолжување на мандатот на судиите и обвинителите уште три години по навршувањето на старосната граница за пензионирање.
Тој доведе до тензии, судири, па дури и насилство меѓу власта и опозицијата. Првиот човек на ВМРО-ДПМНЕ, Христијан Мицкоски, смета дека иницијативата може сосема да пропадне.
Со предлогот се предвидуваше законот да важи три години, а Судскиот совет, поточно Советот на јавни обвинители, да може да го продолжи мандатот на судиите и јавните обвинители до навршување на 67 години.
„Продолжувањето на работниот однос ќе биде и за вработените судии и јавни обвинители кои наполниле возраст од 64 години и чиј работен однос или мандат им е продолжен до 30 јуни 2022 година“, се вели во Предлог-законот.
Власта сметаше дека овие одредби ќе обезбедат судскиот систем да не се соочи со колапс поради недостигот на кадар, но опозицијата тврдеше дека власта сака да им го продолжи професионалниот век на судиите и обвинителите блиски до нив./Alsat.mk
Фатлуме Дервиши
