Најголема бегалска криза во Европа по Втората светска војна, велат од УНХЦР

Моменталната бегалска криза што ѝ се случува на Европа е најголемата по Втората светска војна, вели во своето вечерашно гостување во „Емисија 200“ на Алсат, портпаролката на УНХЦР, Љубинка Брашнарска. Како што додава таа, најголем број од лицата што ја напуштаат Украина се жени и деца.

Advertisements

„Зборуваме за најголемата и најбрзорастечката криза по Втората светска војна. Во 80 години ова се нема случено во Европа. Да има толку брзорастечка бегалска состојба. Додека денеска разговараме, веќе три милиони бегалци имаат избегано од Украина. Од нив, повеќе од 90 проценти, според нашите извештаи од терен, се жени и деца“, рече Брашнарска.