Епидемијата на ковид 19 се прошири од кинескиот град Нанџинг достигнувајќи до Пекинг и до уште пет провинции. Државните медиуми веруваат дека ова е „најлошиот бран на епидемијата од Вухан“ – градот каде што за прв пат е регистрирана инфекцијата со вирусот корона.
Сите летови од Нанџинг ќе бидат суспендирани до 11 август, пишува „Глобал тајмс“, повикувајќи се на неименуван извор.
Започнато е масовно тестирање на населението во градот, а агенцијата Синхуа известува дека сите 9,3 милиони жители на градот, вклучувајќи ги и посетителите, ќе бидат тестирани.
Официјалните лица веруваат дека новиот бран на епидемијата е поврзан со делта сојот, објави Би -Би -Си.
Глобал тајмс, сепак, забележува дека се верува дека новиот бран е во рана фаза и може да се стави под контрола.
