Најмалку 2.065 лица загинаа во земјотресот во Мјанмар

Бројот на загинати во земјотресот во Мјанмар достигна 2.065 лица. Повеќе од 3.900 лица се повредени, а над 270 се водат како исчезнати, јави Ројтерс повикувајќи се на државниот телевизиски канал на земјата.

Advertisements

Земјотресот со јачина од 7,7 степени според Рихтеровата скала, што го погоди Мјанмар во петокот, на 28 март е еден од најсилните во Мјанмар во изминатиот век.

Индија, Кина и Тајланд се меѓу соседите на Мјанмар кои испратија помошни материјали и тимови, заедно со помош и персонал од Малезија, Сингапур и Русија.