Најмалку четири големи криминални афери се истражуваат и наскоро се очекува да се конкретизира нивната постапка, дознава Алсат

Полицијата и обвинителството ги зајакнаа капацитетите за откривање на некои кривични дела од висок профил, дознава Алсат, од извори во истражните органи. Според нив, обвинителството е во финална фаза за расчистување на криминалните работи во рамките на Државната лотарија и во таа насока изворите велат дека истрагата се протега во пирамидална форма. Она што е познато е дека најмалку 6 лица се ставени под лупа на полицијата и обвинителството за организиран криминал.

Advertisements

Пред нова година, се очекува уште една истрага, а според извори на Алсат, треба да се добие епилог од долгиот истражен процес за можните корупциски афери во битолската ТЕЦ. Јавните набавки за гориво, сервисирање на механизацијата и тендерите за соучество се трагите по кои полицијата и обвинителството работат на откривање на евентуални кривични дела. Истрагата, според истите извори, се проширува и на термоелектраната Осломеј, која истражната група ја опиша како „рудник на криминалот“. Покрај субјективните истраги, полицијата ја прошири истрагата и кај физички лица со силни семејни и политички врски, главно од поранешниот владин состав.

Друга истрага се однесува на издавањето пасоши од страна на МВР на лица со криминални досиеја и меѓународни бегалци, скандали кои пред неколку години ги разоткри самата ВМРО кога беше во опозиција. Досегашните дејствија и нивното гонење се поздравени и позитивно оценети од страна на релевантните меѓународни институции за борба против криминалот и корупцијата, сметајќи ги како надеж за враќање и зголемување на довербата на граѓаните во правосудните органи.

Сепак, криминалните групи, особено оние со висока корупција, остануваат незагрозени сè додека новиот Кривичен законик, кој предвидува враќање на казните за криминална здружување и злоупотреба на службената положба, чекаат зелено светло од Европската комисија./Алсат.мк