Франческо Калцона е новиот тренер на италијанскиот шампион Наполи. Ова е трета тренерска смена во последната година кај „наполитанците“.
Руди Гарсија го замени Лучијано Спалети на самиот почеток на сезоната, потоа беше назначен Валтер Мацари, а сега 55-годишниот Калцона пристигнува во јужниот дел на „чизмата“.
Стратегот потпишал договор до крајот на сезоната. Тој денес ќе го има првиот тренинг, а утре ќе дебитира на кормилото на мечот против Барселона во Лигата на шампионите.