Наставни програми според барањата на пазарот на трудот
Наставните програми во средното стручно образование треба да се модифицираат и да се приспособат на барањата на пазарот на трудот, бара Стопанската комора. Директорот Антони Пешев вели дека од 2007 година е јасно оти тоа што се случува со средното образование и воопшто со образовниот систем во земјава не ги задоволува потребите на компаниите. Според него, за промените да бидат успешни, треба да се исполнат одредени услови.
„Првата е дека стопанството кое иницира ваков тип на образование, ги прифаќа кадрите кога ќе завршат средно образование и им дава правилна позиција во компаниите, иако немаат високо образование. Втората категорија е средните училишта да следат и да обезбедат кадар кој ќе има волја да влезе во кадровскиот процес и третиот аспект е државата како давател на воспитно-образовната функција да ја прифати и наставните програми да бидат подготвени за да ги модифицираат. според потребите на реалната економија и каде треба да се вработат овие млади луѓе“, изјави Антони Пешев, Стопанска комора.
Министерот за образование Јетон Шаќири вели дека околу 400 компании изразиле подготвеност да прифатат ученици на пракса за стручното образование да биде поатрактивно и поквалитетно.
„Стручните училишта повторно можат да бидат првиот избор на учениците само доколку во тој процес имаме социјален дијалог кој ќе се одвива меѓу градоначалниците, раководителите на компаниите, директорите на училиштата кои на најдобар начин треба да интервенираат за да се обезбедат професиите кои се потребни на пазарот на трудот, на кој начин најдобро може да се реализира“, изјави Јетон Шаќири- министер за образование и наука
Во учебната 2021-2022 година, од вкупно 10.683 запишани ученици во средното стручно образование, за дуално образование се определиле 1.400. Најбарани насоки се машинско, електротехника, хемиска технологија, економска, право, комерцијала и шумарство. /Алсат.мк
Мелихате Рустеми
