Руските сили ги продолжуваат бомбардирањата на украинските градови долж линијата на фронтот во источниот регион Доњецк, додека западните сојузници на Украина се состанаа во седиштето на НАТО во Брисел за да разговараат за испраќање повеќе оружје за Украина. Американскиот секретар за одбрана Лојд Остин рече дека земјите кои испратиле оружје во Украина ќе продолжат да го прават тоа за да се осигураат дека Украина го има „она што и треба кога и треба“ за да се одбрани од руската инвазија. „Украина има итни барања да и се помогне да го исполни овој клучен момент во текот на војната“, рече Остин на состанокот на украинските сојузници.
Остин најави дополнителна помош што земјите кои ја поддржуваат Украина ветија дека ќе ја обезбедат, вклучувајќи тенкови, муниција и системи за противвоздушна одбрана, заедно со плановите за интегрирање на системи и обука на украинските војници. Но, Остин рече дека нема најава за борбени авиони, што Украина ги побара од своите сојузници. Украинскиот претседател Володимир Зеленски изјави дека за време на состанокот во Брисел биле донесени „цврсти одлуки“, но не сите од нив може да бидат јавно објавени.
