Немили сцени се случуваа на стадионот „Пољуд“ во Сплит по полуфиналето од Купот на Хрватска меѓу Хајдук и Динамо Загреб. Гостите од Загреб, вторпат во само четири дена, беа подобри од Хајдук среде Сплит.
Со голот на Сандро Куленовиќ славеа со 1:0 и се пласираа во финалето, пред четири дена со ист резултат „модрите“ победија и во првенството. По завршувањето на натпреварот, навивачите на Хајдук, револтирани од резултатот, бесот сакаа да го искалат врз гостинските нвивачи.
Ја пробија заштитната ограда и полицискиот кордон пред северната трибина и влегоа на теренот. Фудбалерите на двата тима веднаш избега во соблекувалните.
Толпата тргна кон јужната трибина, но потоа следуваше реакцијата на специјалните полициски сили, кои ги опкружија хулиганите и успеаја да ги вратат на северната трибина, по што тензиите стивнаа.
03.04.2024🇭🇷Hajduk Split – Dinamo Zagreb, Torcida storm pitch after game against Dinamo https://t.co/Fjy3xrlEmQ pic.twitter.com/bfNcqLArFM
— Hooligans.cz Official (@hooliganscz1999) April 3, 2024
