Назим Буши од денеска ја извршува функцијата министер за внатрешни работи

Од денеска до изборот на нова влада со Министерството за внатрешни работи (МВР) ќе раководи досегашниот заменик-министер Назим Буши.

Advertisements

Од МВР информираат дека досегашниот министер во техничката влада Панче Тошковски му ја предал должноста на Буши кој ќе раководи со Министерството за внатрешни работи до почетокот на функционирање на новиот владин состав, поточно до именувањето на новиот министер за внатрешни работи.

Досегашниот министер Панче Тошковски, преку објава на својот фејсбук-профил, информираше дека неговиот мандат како министер за внатрешни работи во преодната Влада за спроведување на избори на пратеници завршил откако вчера Државната изборна комисија ги објави конечните резултати од Парламентарните избори 2024 година.