Лионел Меси се врати во тимот на Интер Мајами за реваншот против Монтереј, но не успеа да помогне да се избегне елиминација во четвртфиналето од КОНКАКАФ Лигата на Шампионите.
По победата од 2-1 пред седум дена, Монтереј синоќа славеше уште поубедливо со 3-1 за пласман меѓу осумте најдобри во најквалитетното фудбалско натпреварување на Северна Америка. Интер Мајами нанижа и петти едноподруго натпревар без победи, вклучувајќи ги и дуелите во МЛС и Лигата на шампионите.
Монтереј по еден час игра имаше убедливо водство од 3-0, со головите на Васкез, Бертераме и Гаљардо. На пет минути пред крајот, Гомез на асистенција на Меси само го ублажи поразот на Интер Мајами.
Во полуфиналето, Монтереј ќе игра со Колумбус Кру, а во второто полуфинале ќе играат Пачука и Клуб Америка.
