Неколку згради во Бангкок се евакуирани како мерка на претпазливост по извештаите за вибрации и пукнатини три дена по силниот земјотрес што го погоди Мјанмар и беше почувствуван во околните земји, објавија денеска локалните медиуми.
Advertisements
Станува збор главно за административни и деловни згради, а евакуацијата е извршена неколку часа откако утрово вработените почнале да пристигнуваат на работа, јавува Би-Би-Си. Според гувернерот на Бангкок, Чадчарт Ситипунт, земјотресот предизвикал пукнатини во речиси 170 згради низ главниот град на Тајланд.
Откако илјадници луѓе беа евакуирани од неколку згради во Бангкок, тајландскиот премиер Фетонгтарн Шинаватра на социјалните мрежи објави дека пукнатините што ја поттикнале евакуацијата „постоеле и порано“.
