Неофицијално: Истрага за сомнежи за злоупотреба на тендери за сервисирање на службените возила.
По наредба на јавен обвинител од Основното јавно обвинителство Скопје, Министерството за внатрешни работи презема дејствија во предистражна постапка во предмет за злоупотреба и договарање помеѓу економски оператори и вработени во Одделот на МВР за општи и заеднички работи околу спроведена јавна набавка во полицијата, соопштија од скопското обвинителство. Извршени се претреси на 16 локации врз основа на наредба издадена од судија на претходна постапка, а по барање на јавниот обвинител.
“По налог на јавниот обвинител од ОЈО Скопје, Министерството за внатрешни работи превзема мерки во предистражна постапка, во случај на злоупотреба и договор помеѓу економските оператори и вработените во Министерството за внатрешни работи, за општа и заедничка работа, во врска со спроведувањето на јавните набавки во полицијата. Досега се пребарувани 16 локации. Со оглед на фазата во која е постапката, ние не сме во можност да споделиме повеќе детали во моментот”, велат од ОЈО.
Според неофицијални информации објавени од дел од медиумите, полициската акција во просториите на Министерството за внатрешни работи од утринава се однесува на истрага поврзана со сомнежи за злоупотреба на тендери за сервисирање на службените возила.
Ајнур Бафќари
