„Неуралинк“ пишува историја: Прво видео на YouTube создадено исклучиво со помош на мисла
Бред Смит, поранешен спортист и трет човек во светот на кого му е вграден имплант во мозокот од „Неуралинк“, стана првиот пациент со амиотрофична латерална склероза (АЛС) и првиот корисник со оштетен говор што ја користел технологијата. Откако му беше дијагностицирана АЛС, Смит повеќе не може да зборува или да се движи, но сега може да управува со дигитални алатки само со своите мисли, пишува „Бизнис Инсајдер“.
Од мисла до акција – како функционира имплантот?
Чипот „Неуралинк“, вграден во моторниот кортекс на Смит, е со големина на пет наредени евро монети и содржи повеќе од 1.000 електроди кои детектираат специфични мозочни сигнали. Смит ги користи за да го контролира курсорот на неговиот MacBook Pro, што му овозможува, на пример, да уредува видеа.
„Неуралинк“ не го чита постојаниот тек на моите мисли, објасни тој, забележувајќи дека уредот толкува сигнали што укажуваат како и каде сака да го помести курсорот на компјутерот.
Иако на почетокот го замислувал движењето на раката, открил дека функционира подобро кога ги замислувал движењата на јазикот и стискањето на вилицата. Користејќи го овој метод, тој создаде и видео во кое ја води нарацијата на YouTube. Ова е првото видео некогаш монтирано со помош на Neuralink или сличен интерфејс мозок-компјутер.
Враќање на сопствениот глас и секојдневниот живот
Користејќи вештачка интелигенција, создадена е синтетичка верзија на гласот на Смит врз основа на стари снимки, овозможувајќи нарација со неговиот глас.
„Возбуден сум што го имам ова во главата и што престанав да користам уреди што се контролираат со поглед“, рече тој во видеото, објаснувајќи дека Neuralink обезбедува поголема слобода од претходниот уред, кој работеше само во темни простории.
На снимката се гледа како Смит ја игра видеоиграта Марио Карт со своите деца.
