Невзат Бејта: „Артан Груби не се мери со карати. Тенекијата нема карати“
Коалицијата меѓу ДУИ и Алијанса за Албанците не е нова. Таа постои уште од локалните избори во Гостивар кога ДУИ му помогна на Таравари да стане градоначалник. Ова го изјави еден од претставниците на Огнената група во ДУИ, Невзат Бејта во емисијата 200 што се емитува вечерва на Алсат во 22:20 часот. Бејта зборуваше и за поделбите во ДУИ и за следните чекори на „Огнената група“ во битката против претставниците на извршната власт.
„Што се однесува до соработката со Арбен Таравари, таа соработка постои уште од 2017. Стануваше збор за тајна соработка. Координатор беше Талат Џафери. Причина беше тоа што ние излеговме, тие се мобилизираа и создадоа свои структури за да ме елиминираат мене од Гостивар и му помогнаа на Арбен Таравари. Беа во коалиција“, рече Бејта.
„Ахмети рече дека не го дава Груби. Би сакал да поставам едно прашање користејќи ваш исказ.. Колку карати е Артан Груби? Дали е 24 карати? Зошто му е толку скап на г-ин Ахмети?
Артан Груби не се мери со карати, како што се мерат металите. Тој е метал што нема карати. Да имаше карати ќе беше добро. Тогаш немаше да прави кавги во ДУИ. Карати немаат металот, тенекијата… Метали кои имаат карати тие се добри, се купуваат и луѓето ги сакаат…“, додава Бејта.
