Незири од Алијанса за новата Влада: Се реализираше врз основа на политички пазарења

Аднан Незири од Алијанса за Албанците, во вечерашното гостување во емисијата „Патот кон…“, зборуваше за новиот владин кабинет што ќе го предводи Димитар Ковачевски.

Advertisements

Тој истакна дека оваа Влада нема да биде стабилна, додавајќи дека коалицијата во која е и Алтернатива, е направена врз основа на политички пазарења.

„Оваа влада нема да биде стабилна, бидејќи знаеме дека договорот го направи премиерот во заминување кој доброволно се повлече од својот неуспех. Оваа влада е реализирана врз основа на политички пазарења и клиентелистички интереси за вработување, што сметам дека значи политички интерес, а не граѓански интерес и интерес на стабилност на различни сфери“, рече Незири.