Ни се нудат деградирачки плати и услови за работа, реагираат младите

Додека преку 100.000 луѓе во земјава бараат работа преку Агенцијата за вработување, многу бизниси се затвораат поради недостиг од работници. Иако според вицепремиерот за економски прашања Фатмир Битиќи тоа се случува затоа што најголем дел од барателите на работа се неписмени или слабо образовани, студентите и експертите велат поинаку.

Абедин Исмаили студент на постдипломски студии за Алсат нагласи дека работните места што досега му биле понудени се деградирачки.

„За плата од 300 евра или 18.000 денари, млад човек ќе се согласи да работи само доколку има забрана за влез во некоја од европските земји“, вели Абедин.

Тој додаде дека условите за работа кои се нудат во Македонија ги спречуваат младите да ги реализираат своите цели во животот.

„Минималната плата ги минимизира можностите за постигнување на целите на младите, зошто тогаш младите треба да останат тука и да прифатат минимална плата и да го минимизираат остварувањето на нивните желби или цели во животот, зошто младите ќе станат жртви на различни бизниси или работодавачи“, додава Абедин.

Во последниот извештај на Европската комисија се нагласува дека невработеноста кај младите полека се намалува, односно за 4 отсто е намалена во однос на пред една година, но, според Исмаили, тоа не е затоа што младите се вработувале туку затоа што дел ја напуштиле земјава.

„Гледаме дека во сите градови се ставаат ливчиња на вратите или прозорците на деловните субјекти, на кои освен што има многу правописни грешки, се задоцнети, зашто бараат работници, кога работниците се вработени но далеку од својата земја“, вели Абедин.

Според универзитетскиот професор Аргетим Салиу, согласно поскапувањето мора да се зголеми и понудата на работодавачите, во спротивно ќе ги затворат бизнисите.

„Понудата е многу мала, дури и слаба, горе-долу понудите се слични на минималната плата, од 300 до 350 евра, а младите не се привлекуваат ни со условите, критериумите или платата што им се нуди. За нив воопшто не е мотивирачки да се пријават и да конкурираат за овие слободни места. Гледаме во Агенцијата за вработување постојано имаме конкурси и слободни работни места, но невработените воопшто не се заинтересирани да аплицираат за овие работни места“, рече проф. Салиу.

Вицепремиерот за економски прашања Фатмир Битиќи пред неколку дена изјави дека над 90 отсто од невработените се функционално неписмени или функционално неписмени.

Ардит Рамадани